Zgjedhjet vendore në Itali, test elektoral për koalicionin

Pak javë më parë në shtatë rajone të Italisë u zhvilluan zgjedhjet lokale një test elektoral për koalicionin e brishtë kombëtar që nga shpërthimi i koronavirusit, një test për qeverinë e qendrës së majtë të Kryeministrit Giuseppe Conte.

Dy partitë kryesore qeverisëse – Social Demokratët e PD dhe Lëvizja Pesë Yje – morën rezultate pozitive.

Social Demokratët patën sukses në Toskana dhe Pulia dhe mund të vazhdojnë të qeverisin  te sigurt në të dyja rajonet.

Partia opozitare e Matteo Salvini, Lega, pësoi disfatë, veçanërisht për shkak të humbjes së votave në Toskanë.

Në zgjedhjet rajonale e komunale 2020 në Itali kandiduan dhe rreth 50 emigrantë shqiptarë. Ata janë aktivistë e përkrahës të forcave të ndryshme politike që kandiduan në lista civile apo grupime politike me synimin për të qenë anëtarë me të drejta të plota në drejtimin e pushtetit vendor në 7 rajone e më 957 komunat italiane.