Zgjerohet harta e sulmeve në Ukrainë, rusët bombardojnë Kievin

Sa vjen e zgjerohet shkatërrimi në Donjeck, teksa forcat ruse avancojnë sulmet në rajonin e kontestuar. Në të njëjtën kohë, në Kherson banorët po marrin paralajmërime në telefonat e tyre nga ushtria ruse për një sulm të afërt të Ukrainës dhe u kërkohet të largohen.

Ushtarët rusë kanë evakuuar me anë të forcës shumë civilë nga qyteti, ndërsa ata ukrainas vazhdojnë të rrisin presionin ndaj trupave ruse në bregun perëndimor të lumit Dnipro.

Në zona të tjera, trupat e Kievit kanë avancuar në jug, ndërsa Rusia ka intensifikuar sulmet ndaj kryeqytetit.

Por ndërsa oficerët ukrainas thonë se tanket e tyre do të avancojnë drejt Khersonit dhe do të marrin shumë shpejt qytetin, analistët janë skeptikë pasi për shkak të motit të keq, terreni ka gjasa të bëhet i pakalueshëm për shkak të baltës.

Në Moskë, Ministria ruse e Mbrojtjes ka publikuar pamje që sipas saj tregojnë qytetarët e mobilizuar teksa vazhdojnë stërvitjen në Siberi.

Trupat janë mbledhur në kuadër të thirrjes mbarëkombëtare të presidentit Vladimir Putin, i cili pretendon se ata do të përdoren për të mbrojtur sovranitetin e Rusisë.

Ndërkohë, luftëtarët e anëtarësuar në administratën pro-ruse të rajonit të Donjeckut kanë mbërritur në qytetin AMVRO SIIVKA, pasi u liruan përmes një shkëmbimi të burgosurish me ushtrinë ukrainase.

LEXONI GJITHASHTU:

• SHBA inkurajon Ukrainën që të jetë e hapur për bisedime me Rusinë
• Holanda do të furnizojë Ukrainën me tanke dhe armë