Zgjerohet protesta e fermerëve/ Çekët bashkohen me kolegët evropianë

Fermerët çekë iu bashkuan protestave të kolegëve evropianë. Ata shkuan në qytetet e mëdha dhe në kufijtë me Sllovakinë, Poloninë dhe Gjermaninë, për të protestuar kundër politikave agrare të BE-së dhe për të kërkuar subvencione pas fluksit të produkteve ukrainase në tregun evropian.

Pas protestave në kufirin Poloni-Ukrainë, kryeministri polak tha se transporti i armëve drejt Ukrainës nuk rrezikon të bllokohet, pasi akset e përdorura për këto operacione do përfshihen në listën e infrastrukturës kritike.

“Nuk do të rresht së mbrojturi interesat e fermerëve polakë, por situata nuk është e thjeshtë as për partnerët tanë në Perëndim. Këtu përfshihen si Evropa edhe Shtetet e Bashkuara. Ndihma për Ukrainën ka gjithashtu një dimension sa tregtar dhe financiar, por në këtë aspekt Polonia dhe fermerët e saj janë më të prekurit”-theksoi Donald Tusk, kryeministër i Polonisë.

Donald Tusk bëri të ditur se të dyja qeveritë, polake dhe ukrainase, do të takohen në Varshavë më 28 mars për të zgjidhur problemet. Ai shtoi se është në kontakt me institucionet evropiane dhe Kievin për të zgjidhur problemet.

LEXONI GJITHASHTU: 

• Vula e PD/ Sefa: Gjykata e Lartë të zbardhë vendimin, duam përgjigje përfundimtare
• Tensionet Kosovë – Serbi, BE kërkon që çështja e dinarit të zgjidhet në dialog