Zgjidhen anëtarët e rinj të Komitetit Ekzekutiv të FSHF-së

Një nga pikat kryesore të rendit të ditës në Asamblenë e Përgjithshme të Zakonshme Zgjedhore të Federata Shqiptare e Futbollit ishte zgjedhja e anëtarëve të Komitetit Ekzekutiv.

Pas procesit të votimit nga delegatët, për katër vitet e ardhshme u zgjodhën anëtarët e rinj të Komitetit Ekzekutiv: Anila Basha me 47 vota, Armando Cungu me 43 vota, Blendi Fevziu me 40 vota, Edmond Hasanbelli me 47 vota, Envi Hicka me 38 vota, Erind Resuli me 43 vota dhe Pano Xhixho me 33 vota.

Para nisjes së votimit, Komisioni i Verifikimit bëri me dije se në garë për anëtarë të Komitetit Ekzekutiv ishin 13 kandidatë. Mes tyre ishin Abdyl Kuriu, Anila Basha, Arben Dervishaj, Armando Cungu, Blendi Fevziu, Edmond Hasanbelli, Envi Hicka, Erind Resuli, Ervin Canollari, Gerihe Lufta, Xerifi dhe Petrohoft. Dy prej kandidatëve, Abdyl Kuriu dhe Arben Dervishaj, u tërhoqën nga gara përpara nisjes së procesit të votimit.

Në fletën e votimit për kandidatët meshkuj ishin 10 kandidatë për 9 vende vakante, ndërsa për kandidaten grua ishte vetëm një emër në garë. Delegatët e Asamblesë u thirrën individualisht për të ushtruar të drejtën e votës, ndërsa Komisioni i Verifikimit administroi procedurat, duke garantuar mbarëvajtjen dhe rregullsinë e procesit zgjedhor.