Zhduket gazetari në Brazil, sendet personale i gjendet në Amazonë

Sendet personale të gazetarit dhe ekspertit indigjen që humbën në Brazil janë gjetur në Amazonë një javë nga hera e fundit kur ishin parë të gjallë.

Autoritetet gjetën objektet, përfshirë një kartë shëndetësore, një palë çizme dhe një laptop, të zhytur në lumë.

Zbulimet përbëjnë zhvillimin e fundit në kërkimet për Dom Phillips dhe Bruno Pereira që kur u zhdukën në pyje teksa mblidhnin material për të shkruar një libër.

Gjithashtu, ato vijnë pasi gjurmë gjaku u gjetën në varkën e një peshkatari dhe pas gjetjes së mbetjeve biologjike, që po ekzaminohen nga autoritetet.

Zona ku ata u panë për herë të fundit është e njohur për konfliktet mes qeverisë, peshkatarëve, druvarëve dhe gjahtarëve të paligjshëm.

Zhdukja e gazetarit dhe ekspertit ka shkaktuar zemërim ndërkombëtar. Aktivistë të grupeve humanitare dhe ambientalistë i kanë bërë thirrje presidentit brazilian që të intensifikojë kërkimet.

LEXONI GJITHASHTU:

•  Gazetari tregon sa janë larguar prej dekriminalizimit: Asnjë s’ka bërë burg