Zhdukja e Ervis Martinajt, drejtori i Policisë Vlorë: Do mbështesim çdo aksion

Drejtori i Policisë së Vlorës, Gentian Berberi është shprehur për mediat se Policia e Vlorës do të jetë në mbështetje të çdo aksioni për gjetjen e të shumëkërkuarit Ervis Martinaj.

“Nuk është nën juridiksionin tonë, por do jemi në mbështetje të çdo aksioni të Policisë”, tha Berberi në një konferencë për mediat të mërkurën.

Sa i përket kontrolleve të fundit të Forcave të Ndërhyrjes së Shpejtë në Vlorë për personat në kërkim dhe parcelat me kanabis, ai tha se do të vijojnë.

Ervis Martinaj, i njohur si ‘mbreti’ i lojërave të fatit, është zhdukur prej më shumë se 40 ditësh.

Zhdukja e tij ka vënë në lëvizje jo vetëm institucionet e drejtësisë, por edhe politikën.

Kryeministri Edi Rama ka deklaruar se shumë shpejt do kemi një përgjigje për fatin e tij. Ndërsa kreu i Partisë Demokratike, Sali Berisha tha para gazetarëve se Rama e di ku ndodhet ‘mbreti’ i lojërave të fatit’ dhe akuzoi Prokurorinë se nuk po vepron.

LEXONI GJITHASHTU:

• Ish-drejtuesi i policisë: Kush po i nxjerr fotot e Ervis Martinajt
• “Kurthi ndaj Berishës”, Prençi: E vërteta e punonjëses së lidhur me Martinajn
• “Kurthi ndaj Berishës”, Prençi: E vërteta e punonjëses së lidhur me Martinajn