Zjarret jashtë kontrollit, vështirësi në Francë e Spanjë

Një verë e vështirë për zjarrfikësit në shumë shtete evropiane , ata nuk po mundin të vendosi nën kontroll zjarret të cilët vijojnë prej disa ditësh.

15,000 hektarë tokë  janë djegur në rajonin e Gironde të Francës.

Më shumë se 32,000 njerëz janë detyruar të evakuohen.

Nxehtësia që ka përfshirë Europën përshkruhet si apokaliptike dhe zjarret po përbëjnë problemin kryesore.

“Ne djegim një zonë në  mënyrë të planifikuar, , një zonë që është e destinuar të digjet, por djegia e saj përpara se të arrijë zjarri kryesor na lejon të shmangim flakët që të shkojnë më tej shprehet një nga komandantët e forcave të emergjencës.

Në Spanjë më shumë se 20 vatra zjarri janë jashtë kontrollit. Zjarret kanë shkatërruar  shtëpi dhe të mbjella. Mijëra njerëz janë evakuuar dhe po qëndrojnë në çadra.

Në Katalonjë, banorët  morën çfarë mundën nga banesat.

“ Nuk e di se në çfarë gjendje është shtëpia ime, mendoj se është djegur, një fqinj më dërgoi një video dhe mu duk sikur ishte djegur” shprehet një qytetare.

Një tjetër banore e zhvendosur rrëfen se zjarri nisi fuqishëm, në orën 5 të pasdites ata ishin të rrethuar nga flakët e nisën të vraponin.

“Morëm vetëm qenushët, pulat dhe 15 kotelet i lamë” shprehet Elena.

Kjo është situata më e vështirë me zjarret të cilat ende nuk janë nën kontroll, era nuk po ndihmon aspak duke vështirësuar punën e zjarrfikësve.

LEXONI GJITHASHTU:

• Zjarret pushtojnë Europën, evakuohen mijëra banorë e turistë