Zjarret përfshijnë Greqinë, turistët evakuohen nga resortet për shkak të flakëve
Greqia po përballet me emergjencën e zjarreve. Flakët kanë përfshirë disa zona në afërsi të Athinës. Autoritetet janë detyruar të evakuojnë një pjesë të banorëve dhe turistëve.
Zjarret në rrethinat e Athinës kanë krijuar situatë emergjente në Greqi. Qindra turistë janë evakuuar nga resortet, për shkak të rrezikut nga flakët dhe tymi. Era ka ndihmuar përhapjen e flakëve duke rrezikuar masivët e pyjeve.
Autoritet deklaruan se 6 komunitete që jetojnë në zonën e bregdetit kanë marrë urdhër të largohen nga zonat e rrezikut.
Problematike duket situata dhe me kafshët. Ushtria dhe forcat vullnetare janë detyruar të marrin masa dhe për mbrojtjen e femrave me kafshë duke siguruar që flakët të mos shkaktojnë dëme.
Në Lagonisi, 40 kilometra larg Athinës, janë përdorur avionë specialë për shuarjen e flakëve. Një vatër zjarri e madhe është përhapur orët e fundit në zonën turistike të Loutraki-t, 90 kilometra larg kryeqytetit grek. Në këtë zonë u evakuuar me urgjencë një kamp veror për fëmijët dhe një qendër rehabilitimit.
Zëdhënësi i zjarrfikësve Janis Artopios tha se era e fortë dhe terreni malor, po vështirësojnë punën e ekipeve. Ai tha se “kushtet e motit po ndryshojnë në mënyrë konstante dhe kjo ndikon në reagimin e tonë. Ne kemi urdhëruar shumë evakuime”.
Të evakuuarit janë vendosur në hotele dhe shkolla. Disa ditë më parë, kryeministri grek e cilësoi rrezikun e zjarreve gjatë këtij vitit si një situatë shumë ekstreme.
LEXONI GJITHASHTU:
Momente paniku në Madrid, qindra persona evakuohen nga zjarri në rrokaqiellin 49-katësh
Katari dhe Pakistani diskutojnë zhvillimet në Lindjen e Mesme, pjesë nga bisedimet
Misteri i 84-vjeçares së zhdukur, publikohen mesazhet tronditëse të rrëmbyesit
- 16:47 Rrebeshe të forta shiu përfshijnë Elbasanin, vështirësi në qarkullimin rrugor
- 16:42 Rrufeja godet tufën e bagëtive në Librazhd, ngordhin 14 dhi
- 16:41 Komisioni Evropian prezanton paketë për thjeshtimin e taksave, kursime deri në 8 miliardë euro në vit
- 16:38 Lavrov: Moska mbetet e angazhuar ndaj marrëveshjeve të arritura mes Putinit dhe Trumpit
- 16:37 Momente paniku në Madrid, qindra persona evakuohen nga zjarri në rrokaqiellin 49-katësh
- 16:22 Haziri: Votat e LDK-së mund të unifikohen vetëm për president nga radhët e partisë