Zjarri në Parkun e Prespës, pushtohet nga tymi fshati Goricë e Vogël

Fshati Goricë e Vogël në Pustec është pushtuar nga tymi pasditen e së premtes.

Shkak i tymit masiv që ka mbuluar banesat janë bërë vatrat e zjarrit në Parkun Kombëtar të Prespës.

Situata ka dalë përsëri jashtë kontrollit në këtë zonë dhe Malin e Thatë.

Vatrat e zjarrit në Malin e Thatë janë riaktivizuar këtë të premte, duke përfshirë kryesisht kullota e gjithashtu bimësi të ulët.

Për dy ditë më radhë avioni rumun ka ndërhyrë nga ajri në sipërfaqe të tjera, duke i shuar plotësisht flakët.

Megjithatë ditën e sotme janë më shumë se 5 vatra aktive zjarrit mbi fshatin Peshkëpi, në qytetin e Pogradecit.

LEXONI GJITHASHTU:

• Normalizohet situata në Parkun Kombëtar të Prespës, ndërpritet operacioni nga ajri
• Riaktivizohet zjarri në Malin e Thatë, 5 vatra aktive mbi fshatin Peshkëpi