Zv.ministri i drejtësisë në RMV: 6 muaj burg kush kërcënon gazetarët

Zv.ministri i drejtësisë në Maqedoninë e Veriut Agim Nuhiu është shprehur se kanë ndryshuar kodin penal për mbrojtjen e gazetarëve.

Nuhiu në një intervistë për Euronews Albania është shprehur se kushdo që kërcënon gazetarët, punonjësit mediatik apo familjarët e tyre do të dënohet me 6 muaj burg.

Ai tha se në bazë të anketës që kanë bërë me 103 gazetarë, 81% janë shprehur se janë nën shënjestër të sulmeve online

“Nga 103 gazetarë dhe punonjës mediatik që kemi përfshirë në anketime ka dalë që 81.6% e gazetarëve të jenë shënjestër e sulmeve online, por duke mos përjashtuar dhe sulmet e tjera që kanë të bëjnë me kërcënimet e tjera. Ne kemi ndryshuar Kodin Penal të RMV duke paraparë tre forma të kërcënimeve në drejtim të gazetarëve.

Të gjithë ata që do të kërcënojnë jetën e gazetarit, punonjësit mediatik apo të afërmit e tyre ata do të dënohen me burg deri në 6 muaj. Burg do të ketë dhe për ata që shkaktojnë ndjenjën e pasigurisë te gazetarët”- tha ai.

LEXONI GJITHASHTU: 

• Xhavit Haliti: Intelektualët serbë kundër Vuçiçit për Kosovën
• Droga vinte nga Shqipëria e Turqia, 17 të arrestuar në Itali, mes tyre dhe shqiptarë
• Koka: Gazetarët më të mirë janë shikuesit tanë, shohin TV për të gjetur të vërtetën