Ndeshja debutuese në botërorin e Katarit ka rezultuar e suksesshme për kombëtaren e Zvicrës e cila ka marrë 3 pikët e para.
Bril Embolo ishte heroi i helvetëve, i cili shënoi golin e vetëm të takimit në pjesën e dytë. Pjesa e parë u dominua nga Kameruni, nmdërsa pa zviceranët të cilët nuk goditën asnjëerë në portën kundërshtare.
E udhëhequr nga shqiptarët Xherdan Shaqiri e Granit Xhaka, Zvicra duhej të ndryshonte diçka në fraksionin e dytë. Në minutën e 48’ ishte Shaqiri me një passim që dërgoi drejt qendrës ku gjeti të zbuluar Embolon, me këtë të fundit që e shtyu topin drejt rrjetës. 25-vjeçari që aktivizohet tek Monaco nuk e pati aspak të vështirë të kalonte në avantazh të tijët.
Me kalimin e minutave, Zvicra u mundua të merrte në dorë frerët e lojës edhe pse e pati të vështirë pasi kundërshtarët kishin një përgatitje fizike të admirueshme.
Pavarësisht tentativave rezultati mbeti i pandryshuar, ndërkohë Kameruni zbret në vendin e fundit të grupit G me zero pikë, ndërsa Zvicra në të parin me 1 fitore. Ndërkohë Embolo bëhet lojtari i parë që i shënon vendit të lindjes në një kampionat botëror.
Po në grupin G, bëjnë pjesë edhe Brazili me Serbinë, që do të përballen sonte në mbrëmje në orën 20:00.
LEXONI GJITHASHTU