Zyrtarët palestinezë: Rritet numri i viktimave në Gazë, të paktën 1100 të vrarë

Të paktën 1100 njerëz janë vrarë dhe 5,339 të tjerë janë plagosur në Gazë që nga e shtuna, tha Ministria palestineze e Shëndetësisë.

Ministria e Shëndetësisë paralajmëroi gjithashtu të mërkurën se ndërprerjet e energjisë elektrike do të çojnë në pezullimin e shërbimeve laboratorike dhe bankave të gjakut në të paktën 58 laboratorë dhe banka gjaku, duke kërcënuar jetën e mijëra njerëzve që kanë nevojë për trajtim.

Izraeli ka rritur ofensivën e tij në Gazë pas sulmit fillestar të Hamasit gjatë fundjavës, kur militantët e armatosur goditën mbi kufirin e fortifikuar.

Izraeli ka urdhëruar gjithashtu  një “rrethim të plotë” në enklavë, duke përfshirë ndalimin e furnizimeve me energji elektrike, ushqim, ujë dhe karburant.

LEXONI GJITHASHTU:

• Flet shqiptari nga Izraeli: Kemi dhomë sigurie në çdo shtëpi, kur bie alarmi…
• Të paktën 189 ushtarë izraelitë mes 1200 të vrarëve në Izrael