Zyrtari amerikan: Marrëveshja për armëpushim nuk përfshin aktualisht Libanin

Një zyrtar i lartë amerikan i tha BBC-së se marrëveshja nuk e përfshin Libanin, por po zhvillohen diskutime të drejtpërdrejta midis Izraelit dhe Libanit.

“Nëse Irani nuk është në gjendje të kontrollojë Hezbollahun dhe nëse ata sulmojnë pozicionet izraelite ose qytetet izraelite, Izraeli do të ketë të drejtë të mbrohet dhe të përgjigjet”, tha zyrtari.

Zyrtari shtoi se Irani dhe aleatët e tij, së bashku me SHBA-në dhe aleatët e saj, po kërkojnë t’i japin fund armiqësive dhe të arrijnë një marrëveshje përfundimtare paqeje që shpresojmë të përfshijë shumë nga këto grupe përfaqësuese.

Memorandumi i Mirëkuptimit mes SHBA dhe Iranit u nënshkrua elektronikisht nga presidenti amerikan, Donald Trump dhe zëvendëspresidenti JD Vance, si dhe Kryetari i Parlamentit iranian Mohammad Bagher Ghalibaf.

Një ceremoni zyrtare e nënshkrimit do të zhvillohet këtë javë në Gjenevë. Gjithashtu pritet edhe publikimi i marrëveshjes.