Zyrtari iranian: Ngushtica e Hormuzit nuk do të hapet

Irani do të vazhdojë të kufizojë kalimin nëpër Ngushticën e Hormuzit, ka paralajmëruar një zyrtar iranian.

Duke folur përpara se Donald Trump të thoshte se SHBA-të do të bllokonin ngushticën, zëvendëskryetari i Parlamentit të Iranit, Ali Nikzad tha se gjatë 40 ditëve të luftës, SHBA-të kanë mësuar se pala fitimtare përcaktohet nga vullneti i kombeve dhe superioriteti në fushën e betejës, jo nga retorika në mediat sociale.

“Në ditët në vijim, ata do të mësojnë gjithashtu se diplomacia është një arenë respekti, bashkëveprimi dhe pranimi të realiteteve, jo diktimi i dëshirave”, tha ai, sipas agjencisë gjysmëzyrtare të lajmeve ISNA.

Mahmoud Nabavian, një parlamentar iranian i cili ishte pjesë e ekipit negociator në Pakistan, tha se udhëheqësit në mbarë botën duhet ta dinë se ngushtica e Hormuzit nuk do të hapet.

“Bota do të përjetojë një formë të re menaxhimi në Ngushticën e Hormuzit”, shtoi ai.