Zyrtari izraelit: Khamenei dhe Pezeshkian midis objektivave të sulmit

Udhëheqësi Suprem i Iranit, Ajatollah Ali Khamenei dhe Presidenti i vendit Masud Peskov ishin ndër objektivat e sulmit të nisur sot nga SHBA-të dhe Izraeli kundër vendit, raportoi transmetuesi publik izraelit KAN.

“Një burim izraelit konfirmon: midis objektivave të sulmit janë Udhëheqësi Suprem iranian Khamenei dhe Presidenti Pesekian”, shkruan KAN në një postim në X.

Një gazetar përmendi gjithashtu në KAN emrin e Ali Shamkhani-t, një këshilltar i Khameneit dhe ish-sekretar i Këshillit Suprem të Sigurisë Kombëtare të Iranit, megjithëse shtoi se nuk e dinte nëse këto objektiva u goditën me sukses.

Shtetet e Bashkuara dhe Izraeli po kryejnë sulme të përbashkëta ndaj Iranit.

Sulmet u konfirmuan nga Presidenti i SHBA-së Donald Trump, si dhe nga Ministri i Mbrojtjes i Izraelit, i cili shpalli gjendje të jashtëzakonshme edhe në territorin e Izraelit.

Sirenat e sulmeve ajrore po dëgjohen në të gjithë qytetet izraelite dhe qytetarëve u është kërkuar të strehohen menjëherë, pasi Irani ka njoftuar një hakmarrje “shkatërruese”.