Zyrtari ukrainas: Një kryetar rajonal i zënë rob nga rusët ka vdekur nga torturat

Kreu i administratës rajonale ushtarake të Zaporizhjas, Ivan Fedorov, ka pretenduar se kryetari i qytezës ukrainase, Dniproprudne, ka vdekur pasi është torturuar gjatë mbajtjes rob nga Rusia.

Fedorov, përmes një deklarate të publikuar në Telegram më 4 dhjetor, tha se trupi i Yevhen Matveyev, së fundi është kthyer në Ukrainë, gjatë këmbimit të të burgosurve të me Rusinë, shtet që ka pushtuar Dniprorudnen në ditët e para të pushtimit që nisi më 2022.

Matveyev ishte zënë rob nga forcat ruse më 13 mars, 2022. Muajin e kaluar, Ukraina pranoi trupat e 502 ushtarëve dhe civilëve të vrarë, përfshirë 17 trupa që kishin qenë në morgjet në Rusi.

“Ai ishte mbajtur rob nga pushtuesit për dy vjet e tetë muaj dhe ishte torturuar për vdekje. Gjatë këmbimit të fundit, trupi i tij u kthye në Ukrainë”, tha Fedorov, duke mos dhënë detaje të tjera.

Zyrtarët rusë nuk kanë komentuar këto pretendime.

Pavarësisht pushtimit, Matveyev kishte refuzuar që të largohen nga qyteza e tij dhe kishte vazhduar punën në mënyrë që të kishte shërbime dhe që popullsia të mbahej e informuar për ngjarjet, tha Federob.

Vdekja e Matveyevit vë në pah kushtet brutale në të cilat janë mbajtur zyrtarët dhe civilët ukrainas nga Rusia.

Në tetor të vitit 2023, një komision hetues i Kombeve të Bashkuara për Ukrainën gjeti se “krimet e vazhdueshme të luftës dhe shkeljet e të drejtave të njeriut prekin jashtëzakonisht shumë civilët”, përfshirë edhe konfirmimin se “autoritetet ruse kanë përdorur torturën në mënyrë sistematike në disa qendra të ndalimit”.

Edhe Ukraina është akuzuar për krime lufte të kryera gjatë konfliktit, edhe pse në një shkallë shumë më të vogël.

LEXONI GJITHASHTU:

• “Ndihmë ushtarake Ukrainës”, Rutte: Kievit i duhet forcë për të negociuar me Rusinë
• “Putin do kapitullim të Ukrainës”- Oligarku afër Kremlinit: 3 kushtet për paqe