Zyrtarja e DASH vjen në Tiranë, takon Ramën dhe Alibeajn

Zyrtarja e lartë e Departamentit Amerikan të Shtetit Karen Donfried do të vizitojë Shqipërinë më 28 prill.

Donfried pritet të zhvillojë një takim me kryeministrin Edi Rama.

Në axhendën e zyrtares amerikane është edhe një takim me kreun e grupit parlamentar të Partisë Demokratike, Enkelejd Alibeaj.

Pjesë e takimit në selinë blu do të jetë edhe nënkryetarja e PD Jorida Tabaku.

Shtetet e Bashkuara të Amerikës, përmes kryediplomates së tyre në vendin tonë Yuri Kim edhe më herët e kanë shprehur hapur pëlqimin për Alibeajn si kryetar i komanduar i PD në vend të Lulzim Bashës.

Ndërsa po aq hapur e kanë shfaqur edhe refuzimin për ish-kryetarin e PD, Sali Berisha i cili rreth një vit më parë u shpall non grata nga SHBA.

LEXONI GJITHASHTU:

• Zyrtarja e lartë e DASH viziton Tiranën më 28 prill
• Diplomatja amerikane viziton sot Kosovën