1 i vdekur pas trazirave mes tifozëve, shtyhet ndeshja AEK-Dinamo Zagreb

Është shtyrë ndeshja e turit së tretë të kualifikimeve për Champions League mes AEK Athinës dhe Dinamo Zagrebit, e cila do të duhej të zhvillohej në orën 20:45 në kryeqytetin e Greqisë, sipas mediave në këtë vend.

Shkak i këtij vendimi është bërë ngjarja tragjike e së hënës në mbrëmje, kur një mbështetës i vendasve mbeti i vrarë në një përplasje mes tifozëve të dy klubeve.

Sipas mediave greke, drejtuesit e UEFA-s në marrëveshje me administratat e të dyja klubeve kanë vendosur shtyrjen e ndeshjes dhe ende nuk dihet se kur mund të luhet.

Një tifoz i AEK-ut ka mbetur i vrarë në një përleshje mes tifozëve të këtij klubi dhe Dinamos së Zagrebit, raporton portali televiziv grek ERT.

Një i ri 22-vjeçar humbi jetën pasi mori plagë të shumta me thikë dhe u plagosën katër grekë dhe katër kroatë.

82 tifozë kroatë, një austriak, një boshnjak, një shqiptar, një gjerman dhe dy grekë, u arrestuan, sipas televizionit.

LEXONI GJITHASHTU:

• Përleshje mes tifozëve të AEK e Dinamo Zagrebit në Athinë, 1 i vrarë, 8 të plagosur
• Dhuna mes tifozëve turq dhe shqiptarë, nis hetimi i UEFA-s për Tirana-Besiktas