Mbi 1 mijë km brenda kufirit, Ukraina pranon autorsinë e sulmit me dron në Rusi

Ukraina thotë se qëndron pas sulmit me dron në rajonin e Tatarstanit të Rusisë këtë mëngjes.

Sipas mediave të huaja, ky ishte një nga sulmet më thellë brenda territorit rus gjatë luftës.

Agjencia e saj e spiunazhit ushtarak tha se sulmi, duke përdorur drone të prodhuar nga Ukraina, shkaktoi “dëm të konsiderueshëm” në një objektiv ushtarak në rajon, i cili shtrihet më shumë se 1,000 km nga kufiri ukrainas.

Më herët media ruse raportoi se gjashtë persona ishin plagosur në këtë sulm.

Autoritetet lokale thanë se objektet industriale ishin në shënjestër të sulmit.

Rustam Minnikhanov, kreu i rajonit të Tatarstanit në Rusinë perëndimore, tha se vendet në qytetet Yelabuga dhe Nizhnekamsk ishin sulmuar nga dronët.

Agjencia ruse e lajmeve TASS citoi shërbimet e urgjencës duke thënë se gjashtë persona ishin plagosur.

Minnikhanov tha se nuk kishte dëme serioze dhe se “procesi teknologjik i ndërmarrjeve” nuk ishte ndërprerë.

LEXONI GJITHASHTU:

• Ukraina dhe Gaza në qendër të vizitës së Sekretarit Blinken në Evropë
• “Përbindëshi rus”- Ukraina e frikësuar nga superbomba, i kthen njerëzit në molekula