Pensionisti Medi Lleshi, tregoi në një me emisionin “People” në Euronews Albania problemet shëndetësore dhe vështirësitë me të cilat haset çdo ditë.
Ai tha se pensioni që merr nuk i del për asgjë, i është rritur sa për shtatë bukë në muaj. Ilaçet ja sjell djali pasi ilaçet këtu nuk i bëjnë asnjë efekt shëndetësor.
“Unë jam një pensionist që prej një viti ndërsa bashkëshortja ka pesë vite që ka dalë në pension. Pensioni i gruas akoma nuk ka arritur 9000 lekë ndërsa unë kam 20400 lekë. Mua më është rritur pensioni sa për shtatë bukë ndërsa gruas tre bukë 800 gr. Me pensionin që kemi nuk na del për asgjë. Ilaçet m’i sjell djali nga Italia, këtu më shkojnë ilaçet 100 mijë, dy ilaçe m’i japin me rimbursim që shkojnë minus 10 mijë. Kur pi ilaçet italiane nuk kam asgjë, jam shumë mirë me shëndet, ka raste ndonjëherë që ngel 1 muaj dhe marr ilaçet këtu e has shumë probleme me shëndetin. Me 29.000 lekë nuk kam mundur të kaloj më shumë se 20 ditë, pensioni minimum të jetë të paktën 400 mijë për nevojat jetike. Këtu çmimet janë shumë të larta dhe buka thatë është më e shtrenjtë”, tha Mediu.
LEXONI GJITHASHTU:
- Pensionisti: Nuk më lejuan të hyja në takim me Ramën, ishin zgjedhur më parë
- Qeveria e Kosovës rrit pensionet me 20%
