Personazhi i ftuar këtë të martë në emisionin “People” ishte Qani Shino, ish-minator dhe pensionist i cili nuk u lejua të merrte pjesë në takimin e zhvilluar nga kryeministri Rama me pensionistët.

Ai u shpreh se në takimin e Ramës me pensionistët ishin njerëz të zgjedhur më parë me profesione të mira, të cilët bëjnë pjesë në kategorinë e shtresës së lartë.

“Ne jemi një grup i bashkuar pensionistësh që protestojmë, ish-minatorë. Kryeministri kishte thirrur pensionistët te Piramida dhe shkova t’i bashkohesha dhe unë. Ato nuk më lejuan të futesha brenda se kishin përzgjedhur pensionistët në mënyrë selektive si ish-oficerë, patronazhistë të gjithë njerëzit e tyre. Pensionistët me shtresa të ulët nuk kishte asnjë përfaqësues, ishin vetëm ato me profesione të larta dhe të partisë. Kur i bëjnë thirrje pensionistëve duhet të jemi dhe ne ish-minatorët si shtresa më e vuajtur dhe më e persekutuar. Rama kishte thirrur pensionistët “pula” në takim, jo ne me halle. Askush nuk bëri pyetje, askush nuk shprehu ankesa për kushte jetike, për skemën e pensioneve, për shtresat në nevojë”, – tha pensionisti Shino.

LEXONI GJITHASHTU:

• Sa pritet të rriten pensionet duke filluar nga muaji tetor
• Si llogariten pensionet e shqiptarëve që jetojnë në Itali? Sqaron avokati Zhllima…