10 anëtarë të së njëjtës familje vriten brenda shtëpisë së tyre në Afrikën e Jugut

Dhjetë anëtarë të së njëjtës familje janë qëlluar për vdekje në një sulm në shtëpinë e tyre në Afrikën e Jugut, thotë policia.

Shtatë femra dhe tre meshkuj u vranë kur shtëpia e tyre pranë qytetit të Pietermaritzburg u zu në pritë mëngjesin e të premtes.

Ministri i policisë Bheki Cele tha se dy të dyshuar ishin arrestuar, njëri u qëllua për vdekje dhe një tjetër është ende në arrati. Motivi është i paqartë.

Afrika e Jugut ka një nga normat më të larta të vrasjeve në botë.

Policia u njoftua fillimisht për të shtënat nag fqinjët dëgjuan të shtëna.

Cele tha se një nga viktimat ishte 13 vjeç, duke shtuar: “Është një skenë krimi, e tmerrshme. Shumë njerëz humbën këtu”.

“Ata kanë arrestuar dy persona, një është plagosur, një ka vdekur, një ka ikur dhe janë gjetur tre armë zjarri”, u tha ai gazetarëve në vendin e të shtënave në qytezën Imbali në provincën lindore KwaZulu-Natal.

Mësohet se një fëmijë është dërguar në spital.

LEXONI GJITHASHTU:

• Afrika e Jugut refuzon të konfiskojë superjahtin e oligarkut rus të sanksionuar
• Rusia dhe Kina, stërvitje të përbashkët ushtarake me Afrikën e Jugut