100-vjetori i Flamurtarit, aktivitete sportive dhe kulturore përgjatë javës në Vlorë

Me rastin e 100-vjetorit të krijimit të klubit shumësportësh të Flamurtarit, në qytetin e Vlorës do të zhvillohen një sërë aktivitetesh sportive dhe jo vetëm përgjatë gjithë javës.

Fundjava do të kulmojë me aktivitete në teatrin ‘Petro Marko’ dhe ndeshjen e veteranëve të futbollit në stadiumin e qytetit.

Për aktivitetet që do të mbahen foli edhe drejtori i klubit shumësportësh, Klevis Kaso. Ai tregoi se do të zhvillohen disa gara sportive, në çiklizëm, ping-pong, basketboll, volejboll, not, gjimnastikë dhe disa disiplina të tjera.

Për të bërë të mundur zhvillimin e këtyre aktiviteteve, një grup I madh punë është kujdesur për këtë gjë. Një ekspozite më fotografi do të çelet në sallën e teatrit të Vlorës, me kujtimet e sportistëve vlonjat që kanë kontrubuar ndër vite për klubin ‘Flamurtari’.

Për 100-vjetorin e krijimit të Flamurtarit, vëmendje do t’i kushtohet edhe ikonave të sportit që kanë bërë historinë dhe kanë kontribuar për këtë klub.

LEXONI GJITHASHTU:

• Incidente në ndeshjen Flamurtari-Dinamo
• Nga rrjetat e 100-vjetorit tek ndriçimi, Flamurtari bëhet gati për Dinamon