Nga rrjetat e 100-vjetorit tek ndriçimi, Flamurtari bëhet gati për Dinamon

Flamurtari-Dinamo është kryendeshja e javës së 20 në Kategorinë e Parë të futbollit shqiptar.

Një përballje me aromë Superiore e cila vlerësohet maksimalisht, ndërsa të hënën në orën 17:00, të dyja skuadrat zbresin në tapetin e blertë të stadiumit ‘Flamurtari’.

Vlonjatët u kanë dhënë fund përgatitjeve, ndërsa gjithçka është në kushte optimale. Orari në të cilin zhvillohet sfida ka bërë që të vihet në dispozicion ndriçimi në impiantin e kuqezinjve.

Punonjësit e klubit vlonjat kanë testuar ndriçimin, kanë ndërruar rrjetat e portave me ato kuqezi , shkurtimin e barit dhe lyerjen e tabelave të ndryshme.

Impianti i vlonjatëve mbetet ndër më të mirët në Shqipëri, ndërsa pritet të rikonstruktohet plotësisht për të ndërtuar një stadium me 25 mijë vende.

LEXONI GJITHASHTU:

• Partizani fiton Ligën Unike, mposhti Flamurtarin 61-72
• ”Flamurtari në ditët e errëta”, Idrizi komenton situatën: Në Vlorë nuk ka lepuj