Partizani fiton Ligën Unike, mposhti Flamurtarin 61-72

Partizani është fituesi i edicionit të dytë të Ligës Unike në basketboll për femra, teksa ka mposhtur Flamurtarin në finalen e zhvilluar në Vlorë.

Të besuarat e Eliverta Bujarit bënë një paraqitje fantastike, ku dominuan që në periodën e parë të sfidës.

Pjesa e parë u mbyll 33-42, ndërsa tentativa e vlonjateve për të kthyer baraspeshën rezultoi e pasuksesshme, ndërsa ndeshja u mbyll në shifrat 61-72.

Trofeu iu dorëzua kapitenes së kryeqytetaseve Ornela Lalaj.

Tek miket nga Tirana nisi menjëherë festa, ndërsa trajnerja Bujari nuk i kurseu emocionet.

Presidenti i FSHB, Avni Ponari e cilësoi këtë event të zhvilluar në Vlorë një sukses më vete.

Për organizatorët e eventit, finalja e Ligës Unike vjen si një shpërblim në kuadër të 100-vjetorit të Flamurtarit edhe pse skuadra humbi.

Final Four ul kështu siparin me Partizanin që triumfon në Ligën Unike, ndërsa në vendin e dytë u shpall Bashkimi i Prizrenit që mposhti Prishtinën 68-63.