122 vite burg për supergrabitjen në Rinas, Talo Çela gjykohet veçmas

Gjykata e Posaçme shpalli dënimin për 7 të pandehurit e akuzuar për grabitjen e 4.6 milionë eurove në aeroportin e Rinasit, në 9 prill të vitit 2019.

20 vite burgim u dha për Klement Çalën, ndërsa nga 17 vite heqje lirie u dha për të pandehurit e tjerë, Eldi Çala, Oltjan Veseli, Renaldo Sula, Saimir Çela, Elton Pikli dhe Alkond Bengasi.

Gjykimi dhe hetimi i kësaj çështjeje ka zgjatur për afro 3 vite, ndërsa prokuroria kishte kërkuar në në total 157 vite burg. Supergrabitja përfundoi me vrasjen e Admir Muratajt nga policia, gjatë largimit nga pista e aeroportit.

Gjykimi për të shumëkërkuarin Talo Çela vijon të jetë i ndarë, pasi ai është ende në arrati.

Grabitësi i vrarë Admir Murataj, është konsideruar nga Prokuroria si organizator i 3 grabitjeve të makinave të blinduara që transportonin paratë e bankave por për të janë  pushuar hetimet, për shkak se ai ka ndërruar jetë.

LEXONI GJITHASHTU

• Të përfshirë në grabitjen e Rinasit, sekuestrohen pasuritë e Eldi dhe Klement Çalës
• Supergrabitja e 9 prillit 2019 në Aeroportin e Rinasit, SPAK merr të pandehur 7 persona
• Ndërron jetë “Daja” nga Kosova, i përfshirë në grabitjen e 9 prillit në Rinas