“13 policë të plagosur për Kilometrin e fundit”, Qafoku: Protestat e Bashës ishin më të forta

Gazetari Ronald Qafoku, i ftuar në Now me Erla Mëhillin theksoi se protesta e zhvilluar sot nga Partia Demokratike nuk e vuri në asnjë moment Edi Ramën në vështirësi dhe aq më shumë sipas tij ta rrëzojë atë nga pushteti.

Sakaq, Qafoku cilësoi se protestat e opozitës, më në krye Bashën, si më të forta krahasuar me këtë të ditës së sotme.

“Nëse sot do të kishim ato gazetat klasike, unë do të vendosja titullin si kryeredaktor: “13 policë të plagosur për Kilometrin e fundit”. Prioriteti çfarë ishte sot, që të ikte Edi Rama. Madje Berisha ka thënë që guximi i qytetarëve do rrëzojë Ramën. Ngjarja e 10 shkurtit shkroi histori, çfarë historie që u plagosën 13 policë, por kjo protestë nuk ka asnjë ndryshim nga protestat e tjera. Ne mund të gjejmë detaje, jo bomba të skaduara, por nuk bëri gjë.

Opozita nuk ka fuqi, u vu në vështirësi Rama, jo, unë nuk e di që u vu në vështirësi, të ma thotë dikush nëse është vënë.

PD ka bërë protesta të jashtëzakonshme, në kohën e Bashës kanë qenë protesta të forta. Sot ata janë thejsh viktima, se nuk është fuqia kjo. Ne jemi në një krizë institucionale që po shkon drejt një krize politike në këto momente, sepse nuk ka valvul shkarkimi”, u shpreh Qafoku.