17 persona gjenden të vdekur në një tavernë në Afrikën e Jugut

Të paktën 17 persona raportohet se janë gjetur të vdekur në një tavernë në Afrikën e Jugut.

Shërbimet e urgjencës u thirrën në orët e para të së dielës në tavernën ‘Enyobeni’ në Scenery Park, në skaj të Londrës Lindore, provincën e Kepit Lindor, sipas faqes së lajmeve Daily Dispatch.

Zëdhënësi i policisë së Kepit Lindor, Tembinkosi Kinana, tha për kanalin e lajmeve në Afrikë të Newzroom në vend se mes të vdekurve ishin të rinj të moshës 18 dhe 20 vjeç.

“Këtë raport e kemi marrë në orët e para të së dielës. Rrethanat e ngjarjes janë nën hetim në momentin që flasim. Ne nuk duam të bëjmë asnjë spekulim në këtë fazë. Hetimi ynë është duke vazhduar”, mësohet të jetë shprehur zyrtari i policisë.

Ai më vonë konfirmoi për Reuters se “rrethanat në të cilat ata vdiqën janë nën hetim”, duke shtuar se ishte shumë herët për të përcaktuar shkaqet e vdekjes.

Gazetarët e Daily Dispatch, sipas të cilëve se numri i të vdekurve mund të jetë deri në 22, thonë se dyshohet se viktimat mund të jenë helmuar ose kanë humbur jetën gjatë një sherri masiv.

Indida kufa abangu22 eNyobeni Tavern, eScenery Park, Eastern Cape. Abazibonele ngawabo bathi izidumbu bezigcwele yonke indawo, kodwa zingekho izimpawu zokulimala.

Amaphoyisa nabazimo eziphuthumayo babizelwe kule ndawo. pic.twitter.com/p0gZUXGyai

— Isolezwe Newspaper (@IsolezweNews) June 26, 2022

LEXONI GJITHASHTU:

• Sulmi me 2 të vrarë në Norvegji terrorizëm islamik, thotë policia
• Zi për viktimat në Oslo, apeli i familjes mbretërore: Të mbrojmë vlerat tona