18 të vdekur nga sulmi me raketa në qendrën tregtare në Ukrainë

Shërbimi Shtetëror i Emergjencave të Ukrainës tha gjatë natës se 18 persona tani janë konfirmuar të vdekur pas sulmit me raketa të së hënës në një qendër tregtare në Kremenchuk.

Shefi i administratës ushtarake rajonale të Poltava Dmytro Lunin gjithashtu konfirmoi këtë numër.

Megjithatë, kjo nuk është një shifër përfundimtare pasi puna e shpëtimit po vazhdon në vend.

Autoritetet lokale thonë se 440 persona nga shërbimet e urgjencës po punojnë në vendndodhje, duke përfshirë 14 psikologë të sjellë për të mbështetur të prekurit.

Rreth 1000 njerëz besohej të ishin në qendrën tregtare në kohën e sulmit nga raketat ruse.

LEXONI GJITHASHTU:

• BE do të furnizojë Ukrainën me pajisje mbrojtëse kundër kërcënimeve bërthamore
• Mbi 1 mijë njerëz brenda një qendre tregtare në Ukrainë të sulmuar nga Rusia