English

“1917” triumfon në BAFTA, zhgënjen “The Irishman”

KOMENTE

SHPERNDAJE
ARTIKULLIN

Text sizeAa Aa

Filmi  dramatik “1917” kushtuar Luftës së Parë Botërore është fituesi i çmimeve BAFTA duke rrëmbyer mbrëmjen e djeshme plot 7 trofe përfshirë filmi më i mirë, filmi më i  mirë britanik, regjia më e mirë  për Sam Mendes.

- Advertisement -

“1917” u vlerësua po ashtu edhe për muzikën, dizajnin dhe efektet speciale të përdorura në film.

Fituesi i dytë i çmimeve BAFTA është filmi “Joker”, i cili u vlerësua me tre trofe duke përfshirë çmimin për aktorin më të mirë për Joaquin Phoenix, i cili fjalimin e tij e bazoi tek kritika kushtuar pabarazisë në botën kinematografike.

Renee Zellweger  u vlerësua me çmimin si aktorja më e mirë në filmin “Judy”.

Brad Pitt mori trofeun si aktori më i mirë mbështetës në filmin e Tarantinos “Once Upon a Time in Hollywood. Ndërsa çmimi për aktoren më të mirë mbështetëse shkoi për Laura Dern  për rolin e avokates në filmin “Marriage Story”.

“Parasite” një komedi e zezë kushtuar ndarjes sociale në Korenë e Jugut mori trofeun si filmi më i mirë i huaj.  Sa I përket filmave të animuar triumfoi “Klaus” prodhim i Netflix.

Cmimet Bafta rezultuan një zhgënjim për filmin “The IrishMan” të Martin Scorsese i cili u nominua në 10 kategori por pa arritur të marrë asnjë trofe.

Fituesit dhe kandidatët e çmimeve BAFTA votohen nga 6.700 anëtarë të akademisë britanike , të cilët janë profesionistë të industrisë dhe krijues në të gjithë botën.

Etiketimet

TË FUNDIT

Sondazh

Euro 2024| A mendoni se Shqipëria do të mund ta kalojë grupin e “ferrit” në kampionatin Evropian?