Policia e Kosovës ka publikuar foton e një të riu i cili kërkohet nga organet ligjzbatuese për sulm sekseual, të kryer në bashkëpunim.

Blutë e Kosovës kërkojnë ndihmën e qytetarëve për identifikimin dhe kapjen e të riut.

Në deklaratën e policisë për media nuk jepen detaje në lidhje me sulmin seksual të ndodhur, ku është përfshirë personi në fjalë.

“Policia e Kosovës, mbështetur në autorizimin e nxjerrë nga Prokuroria Themelore – Departamenti i Përgjithshëm, në mbështetje të nenit 77, paragrafit 2, të KKP-së, lidhur me zbatimin e nenit 71, pika 3.1, 3.12, si dhe në përputhje me nenin 8, të KEDNj-së, paraqet para jush fotografinë e të dyshuarit të shpallur në kërkim, i dyshuar për implikim në veprën penale;

‘Sulm Seksual’ në bashkëpunim, konform nenit 229 të KPRK-së”, thuhet në njoftim.