Tre persona janë shpallur në kërkim për tentativë për vjedhjen e një institucioni financiar gjatë ditës së sotme në Tiranë.
Përmes një njoftimi, Policia ka ndarë fotografitë e personave të dyshuar dhe ofron 5 mijë euro shpërblim për cilindo që jep informacion mbi ta.
“Tiranë-Ditën e sotme, më datë 06.01.2024, jemi njoftuar për një vjedhje, të mbetur në tentativë, gjatë orëve të para të mëngjesit, në zonën e shërbimit 24/7 të klientëve, në një institucion financiar në kryeqytet.
Nga veprimet e para hetimore të kryera në vendngjarje, janë sekuestruar pamjet filmike me fotot e autorëve të dyshuar.
DVP Tiranë fton qytetarët që të japin informacion për autorët e kësaj ngjarjeje dhe vendos shpërblim 5000 euro, për çdo informacion të vlefshëm që do të çojë në kapjen e autorëve.
Drejtoria Vendore e Policisë Tiranë vendos në dispozicion të qytetarëve, numrat e telefonit +355 69 41 55 554, dhe +355 69 41 12 208 duke garantuar anonimatin e plotë të çdo telefonuesi”, thuhet në njoftimin e Policisë.
LEXONI GJITHASHTU:
- Futbollisti i njohur pre e grabitësve, i hynë në shtëpi më 31 dhjetor
- I futet në banesë për ta grabitur, i riu shqiptar godet 10 herë me thikë 73-vjeçarin