Qeveria në Poloni po investon rreth 2.5 miliardë dollarë për të rritur sigurinë dhe kapacitetet mbrojtëse në kufi me Rusinë dhe Bjellorusinë. Kryeministri Donald Tusk deklaroi se punët për projektin “Mburoja Lindore”, që parashikon ngritjen e fortifikimeve ushtarake, tashmë ka nisur.

Polonia ndodhet në krahun lindor të NATO-s dhe për Tusk, kjo përbën një përgjegjësi për sigurinë evropiane.

“Kemi vendosur të investojmë 2.5 miliardë dollarë për sigurinë tonë dhe mbi të gjitha për sigurinë në të gjithë kufirin lindor”, tha Tusk përpara ushtarëve, të mbledhur në jug të vendit për të shënuar 80-vjetorin e fitores së aleatëve kundër nazistëve.

Qeveria e mëparshme e krahut të djathtë ngriti një mur prej 400 milionë dollarësh në kufi me Bjellorusinë, për të ndalur fluksin masiv të emigrantëve që nisi në vitin 2021. Por qeveria e re pro-evropiane deklaron se masat kanë nevojë të përforcohen.

Polonia është një aleate e rëndësishme e Ukrainës kundër fushatës ushtarake ruse.