2 planet e Putinit në Serbi për të rrit ndikimin në Ballkan sipas Demirajt

Dritan Demiraj, ish-komando i Forcave Ushtarake, thotë se Rusia ka synim për të rritur ndikimin në Ballkanin Perëndimor përmes dy projekteve në Serbi.

Sipas Demirajt, Putini në takimin e fundit me Vuçiç mbajtur në dhjetor 2021, i ka kërkuar të hapë një bazë të dytë ushtarake pas asaj që ka aktualisht në Nish.

“Qendra në Nish, e shërbimeve sekrete ruse është për veprimtari diversioniste në Ballkan. Brenda kësaj qendre është instaluar një nga pajisjet më modern të Rusisë e luftës elektronike e cila mundëson përveç të tjerave përgjimet e mesazheve të vendeve të NATO-s. Fuqia e saj arrin deri në Greqi, detin Mesdhe”, tha ai.

Demiraj tha se kërkesa e Putinit erdhi pasi Vuçiç i kërkoi që të ulte çmimin e gazit, ndërsa synohet gjithashtu të ndërtohet një central bërthamor për prodhimin e energjisë.

Ai shtoi se kryeministri Rama ka përgjegjësi për të bërë të qartë pozicionin e tij dhe daljen nga Open Ballkan. Gjithashtu ai kërkoi që të mbahet qëndrim edhe për synimet e Rusisë.

“Një nga kërkesat e Vuçiç ishte ulja e çmimit të gazit, por nga ana tjetër Putini i kërkoi hapjen e një baze të dytë ushtarake. Ky është një gabim shumë i madh për ne. Konteksti do të jetë për të rrit prezencën ruse në Ballkanin Perëndimor. Synimi tjetër është ngrija e një centrali bërthamor që do të kushtojë 10 miliardë dollarë, i cili e kthen Serbinë automatikisht në fuqi energjetike në Ballkan.