20 kandidatë për Avokat Populli, PS duhet të bëjë kompromis me opozitën

Ka nisur zyrtarisht procedura parlamentare për zgjedhjen e Avokatit të ri të Popullit. Në garë për mandatin 5-vjeçar të avokatit të popullit janë 20 kandidatë, që e kanë dorëzuar aplikimin në Kuvend.

Në mesin e 20 kandidatëve, spikasin disa juristë dhe personalitete të shquar të jetës publike.

Erinda Ballanca e ka dorëzuar aplikimin në Kuvend, duke kërkuar që ta drejtojë edhe për një tjetër mandat 5-vjeçar këtë institucion.

Dy anëtarët e KAS-it në KQZ, Ledio Braho dhe Ilirjan Rusmali janë në mesin e aplikantëve dhe bashkë me ta, ambicien për t’u bërë Avokate e Popullit e ka shprehur edhe ish-kryetarja e KQZ, Lefterie Luzi.

Në mesin e kandidatëve është edhe Bledar Dervishaj, që në 5 vitet e fundit ishte mbrojtësi i Presidentit Meta në të gjitha betejat e tij ligjore përballë mazhorancës socialiste.

Ish-deputeti Sali Shehu, ish-drejtori i përgjithshëm i Policisë, Ahmet Prençi, por edhe ish-zv.ministrja e Drejtësisë Brikena Kasmi kanë dorëzuar aplikimin dhe do të kërkojnë që të votëbesohen nga Parlamenti.

Për të zgjedhur Avokatin e ri të Popullit, mazhoranca socialiste do duhet të bëjë kompromis me opozitën, pasi duhen 84 vota në Parlament.

LEXONI GJITHASHTU:

• Avokati i Popullit reagon për shembjen e banesave tek ‘5 Maji’
• Bllako bashkëpunëtor i drejtësisë? Avokati pohon përpjekjen e SPAK-ut