200 vizita në ditë në Urgjencën Pediatrike, shkak virozat

Mesatarisht çdo 24 orë, në Urgjencën Pediatrike ‘Nënë Tereza’ paraqiten rreth 200 fëmijë, por shefi i Urgjencës Pediatrike doktor Albert Lama, thotë se 50% e tyre janë realisht urgjenca.

“Shoqërohen me të vjella me diarre ose të dyja bashkë. Me temperaturë apo pa temperaturë. Këto janë rastet më të shpeshta që ne shohim”, thotë mjeku.

Kjo virozë po i prek të gjithë, por sipas mjeku shumica e pacientëve që kërkojnë në urgjencë janë fëmijët të moshës 1- 4 vjeç. Mjekët kërkojnë që të bëhet kujdes nga prindërit dhe të mos i dërgojnë fëmijët e sëmurë në çerdhe kopshte e shkolla.

“Kanë një periudhë inkubacioni që varion, por e përgjithshmja është 1 javë që ato janë ngjitës. Që do të thotë në kopshte, çerdhe, shkolla nuk është e rekomandueshme të shkojnë edhe sikur gjendja të jetë drejt përmirësimit”, rekomandon ai.

Në ditët e fundit është vërejtur një rritje e rasteve me gastroenterite në të gjithë vendin. Sipas të dhënave zyrtare në 1 javë kanë kërkuar ndihmën e mjekut rreth 8 mijë persona si pasojë e virozave.

LEXONI GJITHASHTU:

• Viroza dhe helmime, infeksionet sezonale shtojnë fluksin në Spitalin Infektiv
• Vapa çon fëmijët tek pediatri si pasojë e virozave të stinës