2025-a në Evropë| Nga Parisi në Athinë, si u festua nata e ndërrimit të viteve

Parisi e priti kështu vitin e ri 2025. Një valë fishekzjarrësh ndezën qiellin e kryeqytetit francez, për të gëzuar banorët e tij.

Një shfaqje verbuese u mbajt përpara monumentit të Harkut të Triumfit, në shëtitoren Champs Elysees.

Parisi e festoi largimin e 2024-s me një seri arritjesh si pritja e Lojërave Olimpike dhe rihapja e katedrales Notre Dame.

Edhe në Berlin ceremonia ishte madhështore. Disa mijëra spektatorë u mblodhën tek Porta e Brandenburgut për të ndjekur festimet.

Spektakli i fishekzjarrëve që zgjati disa minuta ngjyrosi qiellin e kryeqytetit gjerman, ndërsa të pranishmit shijuan momentin magjik.

Edhe në Romë u mbajt një event i ngjashëm. Mijëra njerëz u mblodhën jashtë Koloseut për të ndjekur ardhjen e Vitit të Ri.

Ceremonia më unike ishte në Athinë. Kryeqyteti helen zgjodhi një celebrim të heshtur pranë monumentit të Panteonit. Fishekzjarrë pa zhurmë, dronë dhe mjete të tjera piroteknike u përdorën.

Vendimi për një festim të heshtur ishte pjesë e një nisme që synonte të argëtonte spektatorët dhe të mos trembte kafshët dhe botën e egër.

LEXONI GJITHASHTU:

• Viti i Ri 2025 fillon me binjakë, kush janë bebet e para
• Viti i Ri mund ta gjejë Porto Rikon në errësirë ​​pas një defekti nëntokësorë