21 deputetë të PD i përgjigjen thirrjes së Alibeajt për mbledhje grupi

Një pjesë e deputetëve të Partisë Demokratike, janë mbledhur në selinë e partisë në një mbledhje të thirrur nga kryetari i grupit, Enkelejd Alibeaj.

Të pranishëm në mbledhje janë 21 deputetë, ndërsa pjesa tjetër nuk kanë preferuar që të marrin pjesë.

Kjo ëshë mbledhja e parë e thirrur pas Kuvendit të thirrur nga Komisioni i Rithemelimit, ku u votua shkarkimi i Alibeaj dhe u zgjodhën anëtarët e rinj të Këshillit Kombëtar.

Alibeja duke folur para nisjes së mbledhjes tha se do të diskutohet për qëndrimin që opozita do të mbajë lidhur me zgjedhjen e presidentit të ri.

Ervin Salianji gjatë mbledhjes duke iu drejtuar Alibeajt tha se shikon përpjekje për të ndarë PD-në.

Sipas tij është absurde që të diskutohet për të negociuar me mazhorancën për presidentin kur ende brenda partisë nuk ka diskutime për bashkim.

“Duhet të ulemi me kryesinë e grupit dhe të vijnë të gjithë deputetët, nuk ka sens të kërkohet autorizim për t’u ulur me Ramën dhe nuk ulemi me njëri-tjetrin”, tha Salianji.

Në zgjedhjet e fundit parlamentare, koalicioni i PD mori 59 mandate, bashkë me mandatet e aleatëve si PR, PAA, PDIU, PBDNJ, PLL dhe LZHK.

Formalisht, opozita është e ndarë në tre grupe parlamentare të formuara nga PD, PDIU dhe PR.

Zyrtarisht grupi i PD ka në përbërje 44 deputetë.

Deputetët pjesëmarrës në mbledhjen e thirrur nga Alibeaj:

1. Oriola Pampuri,
2. Jorida Tabaku,
3. Seladin Jakupllari
4. Dhurata Çupi
5. Lindita Metaliaj
6. Merita Bakiu
7. Emilja Koliqi
8. Kastriot Piroli
9. Saimir Koreshi
10. Dashnor Sula
11. Eralda Bano
12. Zheni Gjergji
13. Ervin Salianji
14. Kreshnik Çollaku
15. Arbër Agalliu
16. Ferdinand Xhaferraj
17. Enkelejd Alibeaj
18. Gazment Bardhi
19. Lefter Geshtenja
20. Flamur Hoxha
21. Andia Ulliri