213 të plagosur, 3 të vdekur nga tërmetet në Turqi

Një qytetar turk ka konfirmuar për gazetaren e Euronews Albania, Ortensa Budlla se nga tërmetet e fundit që kanë goditur Hatay-n kanë ngelur të plagosur 213 persona dhe janë shënuar 3 viktima.

Një shifër e tillë konfirmohet dhe nga disa media turke.

Po i njëjti burim ka bërë me dije se janë shembur ndërtesa që ishin të prishura pjesërisht nga tërmetet e para që goditën rajonin. Disa nga familjet ishin kthyer në banesa.

Dy tërmete tronditën provincën më jugore të Hatay në Turqi të hënën, vetëm dy javë pasi tërmete të mëdha goditën rajonin. Lëkundjet zgjatën rreth 30 sekonda.

Tërmetet e dy javëve më parë, megjithëse me qendër në Kahramanmaras, 100 kilometra ose më shumë nga Hataj, shkaktuan dëme të mëdha atje.

LEXONI GJITHASHTU:

• Tërmeti në Turqi, AFAD: Mund të rritet niveli i ujit në brigjet e Mesdheut
• 8 të plagosur nga tërmetet e fundit në Turqi, njerëz nën rrënoja