Janë publikuar pamjet nga aksidenti tragjik në Selanik, ku i riu shqiptar përplasi një studente greke 21-vjeç, e cila studionte për veterinari në Universitetin Aristotelio në Selanik.

Siç shihet në pamje shqiptari pasi ka përplasur të renë greke mëngjesin e së martës, është larguar me shpejtësi nga vendi i ngjarjes, shkruajnë mediat greke. 

Si ndodhi ngjarja

Në mesnatë e reja origjinë nga Chania në ishullin e Kretës, hipi në avion për të shkuar në Selanik, pasi do takohej me mikeshat dhe miqtë e saj atje. Pak pas orës 1 të mëngjesit, Ema, zbriti nga avioni dhe u nis për në shtëpinë e miqve të saj.

Kur kaloi rrugën Egnatia në qendër të Selanikut, ajo u mor përpara nga një makinë e cila drejtohej nga shqiptari.

Mësohet se i riu pasi e përplasi, 26-vjeçari u kthye mbrapsht dhe e shtypi sërish me makinë të renë, e cila ndërroi jetë në spital.

Dëshmitarët okularë deklaruan se shqiptari përplasi dhe tërhoqi zvarrë me makinë të renë, e cila sapo kishte mbërritur në Selanik.

Mediat greke bëjnë me dije se 26-vjeçari shqiptar është vetëdorëzuar në polici pak ditë pasi përplasi 21-vjeçaren në qendër të Selanikut.

26-vjeçari me precedent penal në fushën e narkotikëve është paraqitur mëngjesin e sotëm i shoqëruar nga avokatja e tij në Drejtorinë Rrugore të Selanikut.

LEXONI GJITHASHTU: 

• Italia përfshihet nga moti i keq, 8 persona të zhdukur
• 430 kilogramë kokainë, nis seanca në GJKKO për 10 të arrestuarit