28 mln euro kredi në gusht, bankat rrisin shumën për blerje prone

Rritja e kredisë për individët ka vijuar të mbështetet nga kredia për pasuri të paluajtshme, e cila u rrit me 2.9 mld lekë, ose 28 milionë euro në muajin gusht të këtij viti.

Krahasuar me muajin korrik, kredia e aprovuar është rritur 7 herë, çka tregon se nevojat për të blerë prona janë të larta, pavarësisht nga normat e luhatura e interesit.

Edhe në krahasim me gushtin e kaluar, kredia është zgjeruar me 7%.

Banka Qendrore raporton se përgjatë 8 muajve, kredia e dhënë në këtë aktivitet ishte mbi 6 miliardë lekë.

Pasuritë e paluajtshme janë kthyer në sektorin e preferuar të bizneseve dhe qytetarëve për të investuar, për shkak të vlerës së lartë që po merr prona vit pas viti.

Ndërkohë, në muajin gusht ka njohur rënie të ndjeshme kredia e miratuar për sektorin e ndërtimit, për industrinë përpunuese, për aktivitetet financiare dhe të sigurimit.

LEXONI GJITHASHTU:

• Shtohen pagesat me rrugë bankare, karta zëvendëson lekun në dorë
• Banka Qendrore e Rusisë rrit sërish normën e interesit