3 ambasadorë në Elbasan, takime me PS, PD, Nismën ”Thurje”, por jo me LSI

Ambasadori i Bashkimit Europian në Tiranë, Luigi Soreca si dhe përfaqësuesit e Gjermanisë dhe Francës në vendin tonë, Peter Zingraf dhe Elisabeth Barsacq do të jenë sot në Elbasan, ku do të zhvillojë takime me kandidatët të partive kryesore në zgjedhjet e 25 prillit.

Bëhet e ditur se ambasadoret do të zhvillojnë takime me Taulant Ballën, kandidat i PS, Gazmend Bardhin të PD-së, dhe Rudina Hajdarin të Nismës “Thurje”.

Në njoftimin e zyrës së BE, shprehet keqardhje që nuk u bë i mundur një takim me përfaqësues të Lëvizjes Socialiste për Integrim, por nuk sqarohet për cilat arsye nuk do të zhvillohet.

E pyetur për këtë, as LSI nuk dha një sqarim.

Gjatë fushatës, Elbasanin e kanë vizituar edhe ambasadorja amerikane Yuri Kim, e cila përcolli mesazhin për kandidatë të pastra në lista, si dhe ambasadori i italisë Fabricio Bucci.

Më herët në ketë qytet u regjistrua edhe një incident mes simpatizantëve të partive politike.

Lexoni gjithashtu:

Elbasan, militantët e PS dhe PD konfliktohen me grushte në Ditën e Verës, Rama: Shfaqje vulgare, dukeshin si 100 kopje të Ilir Metës