3 vite burg për tradhtinë? Pastori: Të regullojnë qelitë, mund të shkojnë vetë aty

Pastori Akil Pano është shprehur se nëse do të miratohej në Parlament projektligji që dënon me burg deri në 3 vite tradhtinë, atëherë duhet të rregullojnë edhe qelitë, pasi sipas tij, shumë prej politikanëve e biznesmenëve mund të shkojnë aty.

Komentet Pano i bëri në një lidhje për Euronews Albania, ku tha se nuk besonte se kjo nismë do të realizohej dhe sipas tij po bëhej për tërheqjen e vëmendjes publike nga problemet e tjera.

Ai shtoi se martesa në Shqipëri është vërtetë në vështirësi, por tha se nuk mund të rregullohet me frikën e ligjit, por me ndërgjegjësimin e vetëdijes së çdo individi.

“Kjo që thotë zoti Gurra ka lidhje me moshën e dakordësisë për raportet seksuale. Është duke u mbyllur projekt-propozimi për moshën 18 vjeçare ku të legalizohet martesa. Grupmoshat e të miturve janë lehtësisht të manipulueshëm. Kjo ka qenë një marrëdhënie skllavëruese që shkon drejt orgjive dhe raporteve…

Nëse ligjvënësit e majtë që duket se i kanë numrat për të vendosur çdo lloj ligji, nëse do e miratojnë ligjin për kriminalizimin e raporteve jashtëmartesore sa i takon bashkëjetesës me një person tjetër jashtë, nëse ke një lidhje apo një martesë paralele, atëherë bëjnë mirë që të rregullojnë burgjet.

Të përshtatin konditat brenda burgjeve më të mira, sepse një pjesë e mirë e personave që janë bashkëudhëtarë të tyre politikë apo në botën e biznesit do të shkojnë aty. Por unë jam i bindur që kjo është një histori që po përdoret si mjet për zhvendosjen e vëmendjes. Martesa ka nevojë të shpëtohet, por nuk mund të bëhet përmes frikës së ligjit, por përmes nxitjes së vetëdijes te çdo individ”, tha Pano.

LEXONI GJITHASHTU:

• 3 vite burg për tradhtinë? Gazetari: Nuk kalon si ligj. Duan të tërheqin vëmendjen
• “Tradhti dhe vrasje”- si burri e fali Vanesën për shqiptarin. Beteja me përndjekjen