309 vende pune në OSHEE, nis faza e testimit dhe rekrutimit të aplikantëve

Operatori i Shpërndarjes së Energjisë Elektrike hapi aplikimet në mesin e muajit tetor për 309 elektriçistë, lexues e arkëtarë në 12 rajonet e vendit.

Institucioni deklaron se ka pasur një interes të lartë për këto pozicione, kryesisht nga të rinjtë nga arsimi profesional dhe tashmë që ka nisur faza e rekrutimit, në testim kanë hyrë 600 kandidatë.

Bazuar tek kërkesat e 12 drejtorive të Operatorit të Sistemit të Shpërndarjes, tashmë mundësitë e punësimit janë në raportin 1 me 2.

Sistemi energjitik shqiptar ka në borderon e vet, rreth 7000 punonjës dhe më shumë 50%  e tyre janë punonjës terreni, konkretisht elektricistë, teknikë apo faturues, të cilët përballen me vështirësi pune. Në muajin tetor, për ta qeveria bëri një rivlerësim të pagave dhe sot të ardhurat mesatare të një elektricisti arrijnë në 70 mijë lekë, ndërkohë që për herë të parë në këtë sistem është përfshirë edhe vjetërsia e punës.

LEXONI GJITHASHTU:

• Sistemi i ri i pagave në OSHEE, Balluku: Do të konsiderohet vjetërsia në punë
• Balluku në konferencën e S3: Do krijojmë qendra kërkimore brenda institucioneve