31 të vdekur në azilin e pleqve të goditur nga përmbytjet në Pekin

Përmbytjet vranë 31 banorë në një azil kujdesi për të moshuarit në periferi të Pekinit këtë javë, thanë zyrtarët lokalë.

Pamjet filmike tregonin ekipet e emergjencës duke ecur nëpër ujë që arrinte deri në gjoks duke u përpjekur të shpëtonin ata që ishin të bllokuar në shtëpi në distriktin Miyun. Shumë prej atyre që vdiqën thuhet se ishin të paaftë fizikisht për të lëvizur, shkruan BBC.

Zyrtarët lokalë kanë pranuar se kishte “boshllëqe në planifikimin e emergjencës” dhe thanë se incidenti ishte një mësim i dhimbshëm që shërbeu si “një thirrje zgjimi”.

44 persona kanë vdekur në përmbytjet e ndodhura 2 ditët e fundit në Pekin, të cilat kanë ndodhur gjatë një vere me mot ekstrem në të gjithë Kinën. Valë të nxehta rekord goditën rajonet lindore në fillim të këtij muaji, ndërsa përmbytje të veçanta përfshinë jugperëndimin e vendit.