321 porte të dëmtuara nga rusët, Zelensky denoncon kolapsin e eksportit të grurit

Presidenti ukrainas Volodymyr Zelensky ka deklaruar se 321 komplekse portuale janë dëmtuar nga sulmet ruse që prej korrikut.

Deklarata ka bërë që të ngrihen shqetësime mbi mundësitë që Ukraina të tregtojë grurin e saj.

Duke folur në samitin e posaçëm të mbajtur në Kiev, Zelensky tha se eksportet ukrainase garantonin ushqim për 400 milionë persona në 100 vende të botës.

Ukraina është një furnizues madhor në shkallë globale e grurit dhe para pushtimit rus eksportonte 6 milionë tonelata çdo muaj nga portet në detin e Zi.

Kur Rusia nisi agresionin në vitin 2022, ajo i bllokoi këto porte dhe eksportet ranë. Por në korrik të 2022-shit, dërgesat rifilluan falë Nismës për Grurin në detin e Zi, një akord i ndërmjetësuar nga OKB dhe Turqia.

Vetë Moska doli nga marrëveshja vitin e kaluar, me pretendimin se pjesa sa i takonte eksporteve të saj të grurit dhe fertilizuesve nuk po zbatohej.

LEXONI GJITHASHTU:

• Eksperti: Rusia do sulmojë Anglinë! Putini e paralajmëroi, ndryshoi doktrinën
• Putin paralajmëron se Rusia do të vazhdojë të testojë raketën e re balistike