Ajo është 33 vjeç dhe drejton prej më shume se një muaji autobusin me pasagjerë në linjën ndërkombëtare Shqipëri- Itali.
Eranda Dishani vajza nga Vlora ka arritur të thyejë tabunë se disa punë janë vetëm për meshkuj.
“Kam 9 vite që e ushtroj si zanat, thashë pse mos ta marrë patentën edhe unë si kolegët e mi . Kam pasur babanë shofer, e kam si trashëgimi”, thotë Eranda Dishani, shofere autobusi.
Erandën e sheh së bashku me kolegët në portin e Vlorës, teksa tregon se udhëtimi i parë ishte adrenalinë, ndërsa tregon përjetimin e pasagjerëve kur shohin një shofere femër.
“Dyshime jo por thonë ua, një shofere femër. Femrat zakonisht, ato janë pak më frikacake”, tregon Eranda.
Edhe pse ka mbaruar studimet e larta për mësuesi, për Erandën pasioni për të qenë shofere tashmë është kthyer në profesionin e saj.
LEXONI GJITHASHTU: