34-vjeçari në Kavajë qëllon me thikë të riun, arrestohet nga Policia

Një 34-vjeçar në Kavajë ka rënë në prangat e Policisë, pasi ka sulmuar me thikë një 28-vjeçar.

Lajmin e ka bërë të ditur Policia përmes një njoftimi, ku thuhet se ngjarja ndodhi pas një konflikti për motive të dobta.

Ndërkohë grupi hetimor ndodhet në vendngjarje dhe po punon për sqarimin e rrethanave të kësaj ngjarjeje.

Njoftimi i Policisë:

Kavajë-Goditi me mjet të mprehtë, një shtetas, pas një konflikti për motive të dobëta, Policia identifikon, kap dhe shoqëron menjëherë në Komisariat autorin e dyshuar.

Rreth orës 20:00, në lagjen nr. 3 Kavajë, dyshohet se gjatë një konflikti për motive të dobëta, shtetasi J. K., 34 vjeç, ka goditur me mjet prerës shtetasin L. Sh., 28 vjeç, i cili ndodhet në spital nën kujdesin e mjekëve.

Falë reagimit në kohë, shërbimet e Policisë identifikuan, kapën dhe shoqëruan në Komisariat autorin e dyshuar.

Grupi hetimor ndodhet në vendngjarje dhe po punon për sqarimin e rrethanave të kësaj ngjarjeje.

LEXONI GJITHASHTU:

• Qëlloi me sëpatë të riun në mes të lokalit, kush është autori i ngjarjes në Kavajë
• Makina del nga rruga dhe bie në kanal, humb jetën 28-vjeçari në Kavajë