4 pacientë humbën jetën nga zjarri në spitalin e Hamburgut, 20 persona të plagosur

Katër persona kanë humbur jetën nga zjarri në një spital pranë Hamburgut, në Gjermaninë veriore. Zjarri raportohet se nisi rreth orës 22:45 me orën lokale të enjten në katin e tretë të klinikës Helios në Uelzen.

Thuhet se janë plagosur rreth 20 persona, ndërsa policia tha se numri i të vdekurve mund të rritet duke pasur parasysh seriozitetin e disa plagëve. Autoritetet po hetojnë shkakun e zjarrit.

140 zjarrfikës dhe punonjës të shpëtimit, duke përfshirë disa nga rrethet fqinje, luftuan për të frenuar zjarrin. Njerëzit u shpëtuan nga klinika, disa duke përdorur shkallë, sipas raporteve.

Policia tha se “thirrjet për ndihmë u dëgjuan” nga brenda ndërtesës. Uelzen ndodhet rreth 70 km në juglindje të Hamburgut. Katër personat e konfirmuar të vdekur ishin të pacientë.

Sipas BBC numri i të vdekurve mund të rritet. “Ka njerëz të tjerë të lënduar aq rëndë sa jeta e tyre është në rrezik akut”, tha zëdhënësi i policisë Michel Koenemann.

Zjarri vlerësohet të ketë shkaktuar rreth 1 milion euro dëme.

LEXONI GJITHASHTU:

• Të shtëna me armë zjarri në një shkollë në SHBA, raportohet për të plagosur
• Zjarrfikësit në Turqi në “luftë me zjarret”, 48 persona janë shtruar në spital