4 raketa të prodhuara nga SHBA mbi Rusinë Jugore, reagimi i Moskës

Ministria e Mbrojtjes së Rusisë tha të hënën se forcat e saj kishin rrëzuar katër raketa anti-rrezatuese të prodhuara nga SHBA mbi një rajon në Rusinë jugore, në kufi me Ukrainën.

Kjo është një nga pretendimet e para të tilla nga Moska, që kur nisi luftën nëntë muaj më parë në Ukrainë.

“Katër raketa amerikane anti-radar ‘HARM’ u rrëzuan në hapësirën ajrore të rajonit të Belgorodit,” tha Igor Konashenkov, një zëdhënës i Ministrisë së Mbrojtjes së Rusisë, në konferencën e tij të përditshme.

Sipas Forcave Ajrore të SHBA-së , “HARM”, një raketë kundër rrezatimit ajër-tokë, me shpejtësi të lartë, është projektuar për të “kërkuar dhe shkatërruar” sistemet e mbrojtjes ajrore të pajisura me radar.

Të dielën bombardimet goditën rajonin e Belgorodit, duke goditur ndërtesa banimi dhe industriale, sipas guvernatorit të tij, Vyacheslav Gladkov, i cili tha se një person kishte vdekur dhe 10 të tjerë u plagosën në sulmet.

LEXONI GJITHASHTU:

• BE dhe Irani do vazhdojnë të punojnë për marrëveshjen bërthamore, thotë Borrell
• Daçiç: Barrikadat formë proteste politike, Kurti kërcënim për paqen dhe stabilitetin
• 97-vjeçarja dënohet për vrasjen e mbi 10 mijë personave, bashkëpunoi me nazistët